Gedichte

DeinGedicht.de

lustige Weihnachtsgedichte

Übersicht      « vorherige Seite      nächste Seite »drucken

Des Lametta (die schwäbische Variante)

Em Advent, so kurz vor Weihnachta,
do goht's hektisch zua,
von morgands bis obands gar koi Rua.
S' wird g'hetzt, a probiert, kauft, gmessa,
hot ma au neamd vergessa.

So war's vor a paar Johr am heilig Obad,
des dann no a Sonndig war,
en d' Kuche hockat mir mit d' Kenderschar,
sag i zum Ma: "Dua de net drücka,
du muasch heit no d' Chrischbaum schmücka!"

Da Widerred meistens nix nitzt,
hot d'r kurz drauf au scho gschwitzt.
D' Baum gstutzt, d' Löch'r bohrt und g'sägt
und en de Ständer eingelegt.
Dann kommat Kugla, Kerzea, Stera
und Krippefigura mit Laterna.
Und zum Schluss - ja Himmelwetta -
nirgends fend der des Lametta!

Mir wird ganz hoiß
und stottrig sag i: "Ja, i woiß,
zletzt Johr war's arg verschlissa,
drum hau is doz' mal weggeschmissa.
Und in dem Chaos von de letzte Tag,
bei mein'r Arbet, Müh ond Plag,
hau i s vergessa hei'r,
i wer mer ois vom Nochb'r leiha!"

D' Nachb'r lenks, rechts, henda denna,
hend mir au kois leia kenna.
Mir guckat uns a verdrossa,
de Läda send ja au scho gsch'lossa.

So hau i zua de Kender g'seit:
"Des Johr gibt's kois zur Weihnachtszeit!"
Dia Jonge hend dann gheilt und plärrat,
bis d'r Papa hot erklärat:
"Herat auf mit dem Gezetta,
ihr kriegat an Baum mit viel Lametta!"

I konnt es zwar no net begreifa,
wo nimmt der her die Silberstreifa.
Er got en d' Kuche, sucht a Messer
und sieht die Dos Hengstaberg Mildessa.

So denkt er et lang noch,
do liegt dia Lösung eingebettet,
das Weihnachtsfescht, es isch gerettet.

Schnell ham'r dean Deckl aufgedreht,
des Kraut plattdruckt, so guat es geht,
zum Trockna oinzeln aufgehengt,
dann no g'föhnt, aber et v'rbrennt.

Dia trockne Stroifa - recht verblicha,
mit Silberbronze angestricha,
auf boide Seita "Silberkleid",
o freue dich, du Chrischtenheit.

De Chrischbaum war oimalig schea,
wia selta ma hat oin g'sea.
Zwar roch's a bissle süßsauer bei dera Bescherung,
g'schmacklich gab's a Überquerung,
weil er mit Benzin g'wescha hot dia Hend,
mit Nitro abgschruppat die Wend.

D'zu no mei Räucherkerz und Myrrhe,
der Duft d' Familie leicht verwirre.
Und jeder denkt sich still verwondert:
"Da riachts nach technischem Jahrhondert."

A Woch danach i hock im Sessel,
d' Bauch no voll mit Weihnachtsessa,
wieder a Sonnig und Sylvester.

Sag i zom Ma: "Du woisch Bescheid,
s' kommat heit zur Obadszeit:
Schulzes, Lehmanns ond d' Meier
zua unserer Silvesterfeier.
S' gibt a Essa wia bei de Fürsta,
nämlich Sauerkraut mit Würstla."

I schrei auf, entsetzt hau i g'schaut,
am Chrischbaum hengt des Sauerkraut!
Hau vergessa nui's zom b'sorga,
No muss es halt beim Nochb'r borga.

D' Nachb'r lenks, rechts, henda denna,
hot mir au kois leia kenna.
Mir gugat uns a verdrossa,
d' Läda send ja au scho g'schlossa!

Wieder war's mei Ma, der uns gerettat,
nehmt ra vom Baum des ganz Lametta,
mit Terpentin und viel Bedacht
hot er des Silber abgekratzt.

Des Kraut no gründlich duregwässert,
mit a bissle Essig no verbessert.
D'zua no Nelka, Pfeffer, Salz
und an große Leffel Gänseschmalz.

Warm g'macht mit ra großa Hitze,
des Kraut, des funkelte und blitzte!
Wo i des Kraut dann später hau serviert,
isch dann no folgendes passiert:

Die Rosa, die musst niesa,
aus ihre Nes, da sah ma spriesa,
tausend kloine Silberstera!
D' Meier seit: "So hau i se gera!"

Anna secht zu ihrem Franz:
"Dei Goldzah hot heit Silberglanz!"

Unser Bua, der musste mal,
er schreit: "Mama, i hau heit en Silberstrahl!"

So gab's noch dem besondra G'richt,
no mehrere so gladde G'schicht.

Wo se dann hoimganga send, die Gäste,
hend se gmoint zu mir:
"S' hot uns gut g'falla hier bei dir.
Doch dei Stuba wär viel netta,
hättesch am Chrischbaum k'hett Lametta!"

1580212501111951119615552 15553 10868
preload 0preload 1preload 2preload 3preload 4preload 5preload 6preload 7preload 8preload 9preload 10preload 11preload 12preload 13preload 14preload 15preload 16preload 17preload 18preload 19preload image 1preload image 2preload image 3preload image 4preload image 5preload image 6preload image 7preload image 8preload image 9preload image 10preload image 11preload image 12preload image 13preload image 14preload image 15preload image 16preload image 17preload image 18preload image 19preload image 20preload image 21preload image 22preload image 23preload image 24preload image 25preload image 26preload image 27preload image 28preload image 29preload image 30preload image 31preload image 32preload image 33preload image 34preload image 35preload image 36preload image 37preload image 38preload image 39preload image 40preload image 41preload image 42preload image 43preload image 44preload image 45preload image 46preload image 47preload image 48preload image 49preload image 50preload image 51preload image 52preload image 53preload image 54preload image 55preload image 56preload image 57preload image 58preload image 59preload image 60preload image 61preload image 62preload Themeimage 0preload Themeimage 1preload Themeimage 2preload Themeimage 3preload Themeimage 4preload Themeimage 5preload Themeimage 6preload Themeimage 7preload Themeimage 8preload Themeimage 9preload Themeimage 10preload Themeimage 11preload Themeimage 12preload Themeimage 13preload Themeimage 14preload Themeimage 15preload Themeimage 16preload Themeimage 17preload Themeimage 18preload Themeimage 19preload Themeimage 20preload Themeimage 21preload Themeimage 22preload Themeimage 23preload Themeimage 24preload Themeimage 25
Noch nicht bewertet.
Bitte bestätigen Sie
Nein
Ja
Information
Ok
Vorheriger Nächster Vorschaubilder verbergen
Webseitenvorschau schliessen
Vorschau wird geladen ...
Photo anhängen
Vorschau wird geladen ...
Bildvorschau Photoupload abbrechen
*: Pflichtfeld
Kommentarvorschau
Kommentarvorschau schliessen
Antwort abbrechen
Ihr Kommentar ist eine Antwort auf den folgenden Kommentar