DeinGedicht.de
DeinGedicht.de
En Bluemestruss
eingereicht von uschy und sepp
Es wird ein Strauss mit roten und gelben Blumen und etwas grünen Blättern übergeben.
En aparte Bluemestruss
so farbefroh und frisch,
g'hört a some grosse tag
uf de Gabetisch.
Die gäle Blueme bringed
Sunne i Dis Gmüet,
damit Dis frohi Lache
nöd versiigt und nie verblüeht.
Die rote träged Liebi
tüüf ine i Dis Herz,
damit Dich s'wahre Glück erreicht
und Dich schützt vor Leid und Schmerz.
Alles Grüene i dem Struss
isch s'Symbol für's Hoffe,
für Dich stönd uf Dim Läbesweg
no sovill Chance offe.
I wünsche Dir e gueti Zyt
bliib eso wie d'bisch
und gnüss Dis hüttig Fäscht
und d'Blueme uf Dim Tisch.