Lustige Geburtstagsgedichte

Die Klo-Rollen-Torte - Was es alles id isch (die schwäbische Version)
Eine Klorollentorte (Pyramide aus mehreren Klorollen, verziert mit Servietten, Kerzen und Bonbons) wird abgedeckt vor das Geburtstagskind gestellt.

Liabes Geburdsdagskind,

scho drei Woche muaß i denka
was mr Dir au kentat schenka.

Zuig hoscht jo von allem gnua,
vo de Strempf bis zu de Schua.

Ond sot doch ebbes Wichtigs sei,
et blos soa Glomp in Kaschte nei.

Deshalb ischs, ihr kennets glauba,
nix an'd Wand na, zum verstauba.

Sisch nix zom Essa, nix zom Trenka,
so ebbes welle mr Dir net schenka.

Sisch koi Hafa, sisch koi Kruag,
des hosch selber jo grad gnuag.

Sisch koi Hemed, au koi Hos,
send koine Nelka, au koi Ros.

Aber wichtig ischs, so wia i sag,
denn braucha duaschs an jeden Tag.

Sisch koi Kehrwisch, sisch koi Besa,
ond au gwies koi Buach zom Lesa.

Send au koine Pilla wia jezd Mode,
koine blaue oder rode.

A Fahrrädle kas gwies net sei,
denn do wär d'Schachtel jo viel zklei.

Des muaß scho au ebbes Extras sei,
obs wohl passt en den Feschtag nei?

Dai Frog laße mr vorleifig offa,
dass Dus emmer beidr hoscht, wellet mr hoffa!

Du muaschts emmer gschickt afassa,
sonsch kasch es glei sai lossa.

Sisch arg lang und oft ischts kurz,
sisch koin Pimmel an koin Furz.

Braucha duats dr Ma und s'Weib,
net für da Kopf, bloß für da Leib.

Was moinscht au, was kommt wohl da raus?
Sischt wie i sag, koi Katz ond au koi Maus.

Bestimmt koin Kucha ond koin Stolle,
sisch manchmal flach, mol kamers rolle.

Doch jetzt hältsch vor Neugier nemme aus,
komm lass amol des Geheimnis raus.

Dass Du des alle Dag brauchscht 'wohl ond gsond'
des wünschet mr Dir von Herzensgrond!

Ond wia de do freischt, des wellet mr jetzt seha,
woischt, so a Geschenk hots selda gea!