Gedichte

DeinGedicht.de

Geburtstagsgedichte

Übersicht      « vorherige Seite      nächste Seite »drucken

Der Fünfziger als Optimist und als Pessimist


Strophe für Strophe im Wechsel vortragen; kann auch für z.B. 63-jährige Männer eingesetzt werden; Text entsprechend ändern! Der Effekt wird gesteigert, wenn die Vortragenden verkleidet sind - zwei Opas

Der Fünfziger als Optimist

               Der Fünfziger als Pessimist


Des isch a Sach - des isch a Freud',
i ben jetzt fufzig, 's isch so weit.
I ben et alt - I ben et Jong,
doch inna - außa gut en Schwong.
Heut haut mi nix so leicht vom Hocker,
die fufzig Johr - die trag i locker.

               Wie mer's au a'guckt - es isch wohr,
               se send em Sack - die fufzig Johr.
               Do hilft koi Beta - Flucha - Toba,
               der Sack isch auf'em Buckel droba.
               Es isch scho hart - des muss i saga,
               je älter - um so me musch traga.

Mit vierzig krie'gsches et so mit,
dass de mit fufzig bisch no fit.
Von wega fufzig ond am Ende,
im Gegatoil - des isch die Wende.

               Ab fufzig - des ten viele saga,
               ab fufzig - goht dir's an dr' Kraga.
               Ab fufzig - glaub's, mit schnellem Trab,
               do goht's mit dir halt doch bergab.

I kann di fufzig bloß no loba,
i spür an starka Schub nach oba.
Mit fufzig bisch du echt in Form
ond dei Erfahrung isch enorm.

               Jetzt ändert sich des Lebens Lauf,
               ond mancher Spass hört plötzlich auf.
               Mit vierzig hot a jeder g'lacht
               ond über's Alter Spässle g'macht.

Kann'sch z'frieda in dei Händ neispucka
ond frohgemut nach vorne gucka.
Genieß die Jugend bis zum Ende,
bezahl die Schulda mit der Rente.

               Doch i han selligs mol scho g'wisst,
               dass de mit fufzig fertig bisch.
               An Rente derf i gar net denka,
               am beschta wär's i tät mi hänga.

Des Lesen - des tut mi net jucka,
hauptsach i ka end' Ferne gucka.
Was auf der Gass so romsschpaziert,
als fufz'ger mi scho intressiert.
Ond wenn i's mit der Brill et ka,
no schaff i mir a Fernglas a.

               Ond moinsch du tätsch no ebbes tauga,
               no merksch's am eh'schta an de Auga.
               A Speiskart lesa im Lokal,
               des war für mi a echte Qual.
               Z'erscht han i g'moint i tät jetzt schilla,
               jo scheißele - i braucht' a Brilla.

Des Beschte, ond des woiß i g'wiß,
des isch mei nagelneu's Gebiß,
Für mi der allergröschte Nutza,
I ka mei Zäh jetzt extern putza.
Für's schönste Lächeln auf der Welt
zahlt „Kukident" mir Werbegeld.

               Wie war des doch mit vierzig schee,
               han g'veschpert mit de oig'ne Zäh',
               Heit han i bloß no a'paar Stompa,
               die send mit Brücka eng verbonda.
               Der Zahnarzt isch auf dera Welt
               der Oinz'ge, dem mei Gosch no g'fällt.

Packt di des Leba hart am Schopf,
no kriegsch halt an Charakterkopf.
So mancher hot an Rübahafa
ond ka deswega trotzdem schlafa.
Glotz morgens i en Spiegel nei,
mei Meckel - der isch einwandfrei.

               Glotz i am Morga in da Spiegel,
               no seh' i so an alta Igel.
               Die Nas' verschoba - s'Gsicht voll Falta,
               des kannsch et tauscha - des musch b'halta.
               Verzweifelt - fascht am resigniera,
               tu i den Kerle halt rasiera.

Für mi gibt's überhaupt koi Frog,
i stell doch mir ens Bad koi Woog;
Was soll denn i mi drangsaliera
ond meine Pfunde kontrolliera?
I fühl mi wohl - i fühl mi g'sond,
ond deshalb bleib i Kugelrond.

               Ond stand i henterher auf 'd Woog,
               no denk i - s'isch a arge Plog.
               Du veschpersch kaum em großa-ganza
               ond oinaweg hosch so an Ranza.
               Des isch ganz g'wiss der Altersspeck,
               den kriegsch dein Lebtag nemme weg.

Mei Liebesleba isch enorm,
erotisch bin i groß in Form.
Die Fraua reißet sich um mi,
goht des so weiter - bin i hi.
I fühl mi no als echter Hirsch,
gang liebeshungrig oft auf'd Pirsch.

               Ja ond von wega Liebesleba,
               des kannsch bei mir de Hasa Geba.
               Selbscht jetzt em Frühling - jetzt em Mai,
               Do regt sich nex - es isch vorbei.
               heut ben i froh mei lieber Ma,
               wenn i des Nachts gut schlafa ka.

Wenn i was g'schafft han war was los,
ond im kassiera war i groß.
Heut han i Geld em Überfluß,
mei Konto - des isch a Genuß.

               Was i au ang'schtellt han em Leba,
               bei mir ging alles bloß daneba.
               Mei Konto isch nach all de Johr
               genau so leer wie's früher wor.

I halt mi fit - ond pfleg mein Ranza
ond laß em Alter d'Puppa tanza.
Von mir ka i heut z'frieda saga,
i ka me über nix beklaga.

               Heut bisch em Alter arm ond krank
               ond hosch koin Pfennig auf der Bank.
               Ma sieht - i ka mi dreha, wenda,
               für mi wird alles saudomm enda.

Die Fufz'ger-Feier isch für mi,
grad wie des Tüpf'le auf em „i".
D'rom lasset uns die Gläser heba,
denn ons're Schulzeit - die soll leba.

               D'rom seh i heut die Fufz'ger-Feier
               als sitzt bei mir der Pleitegeier.
               Was soll denn hier des ganz Theater,
               ihr g'höret alle zom Psychiater.

No isch der Ofa lang et aus,
mir hend no Dampf - do kommt was raus.
Mir machet aus der Not ä Tugend
ond zählet ons zur späta Jugend.

               Au wenn i euch da Schlaf tu rauba,
               ihr müsset mir des Oine glauba,
               Mir g'höret jetzt zom alta Eisen
               ond könnet auf die Zukunft - Trinka.

Jetzt frog i euch, was jeder ischt:

               A Optimist ?

A Pessimist ?

318446322112321663321664323058 319437 319796
preload 0preload 1preload 2preload 3preload 4preload 5preload 6preload 7preload 8preload 9preload 10preload 11preload 12preload 13preload 14preload 15preload 16preload 17preload 18preload 19preload image 1preload image 2preload image 3preload image 4preload image 5preload image 6preload image 7preload image 8preload image 9preload image 10preload image 11preload image 12preload image 13preload image 14preload image 15preload image 16preload image 17preload image 18preload image 19preload image 20preload image 21preload image 22preload image 23preload image 24preload image 25preload image 26preload image 27preload image 28preload image 29preload image 30preload image 31preload image 32preload image 33preload image 34preload image 35preload image 36preload image 37preload image 38preload image 39preload image 40preload image 41preload image 42preload image 43preload image 44preload image 45preload image 46preload image 47preload image 48preload image 49preload image 50preload image 51preload image 52preload image 53preload image 54preload image 55preload image 56preload image 57preload image 58preload image 59preload image 60preload image 61preload image 62preload Themeimage 0preload Themeimage 1preload Themeimage 2preload Themeimage 3preload Themeimage 4preload Themeimage 5preload Themeimage 6preload Themeimage 7preload Themeimage 8preload Themeimage 9preload Themeimage 10preload Themeimage 11preload Themeimage 12preload Themeimage 13preload Themeimage 14preload Themeimage 15preload Themeimage 16preload Themeimage 17preload Themeimage 18preload Themeimage 19preload Themeimage 20preload Themeimage 21preload Themeimage 22preload Themeimage 23preload Themeimage 24preload Themeimage 25
Noch nicht bewertet.
Bitte bestätigen Sie
Nein
Ja
Information
Ok
Vorheriger Nächster Vorschaubilder verbergen
Webseitenvorschau schliessen
Vorschau wird geladen ...
Photo anhängen
Vorschau wird geladen ...
Bildvorschau Photoupload abbrechen
*: Pflichtfeld
Kommentarvorschau
Kommentarvorschau schliessen
Antwort abbrechen
Ihr Kommentar ist eine Antwort auf den folgenden Kommentar