Sonstige Gedichte

Der Kropf
geschrieben von Werner Roller

An Bua sitzt en dr Straßabah,
gegaüber sitzt a Mà.

Der Mà, des isch a armer Tropf,
denn er hot am Hals an risè Kropf.

Für’s kloine Buale isch des nei,
was kà des für a Deng blos sei?

Guckt à den Ma à viertel-Stond
ond dem wird’s jetzt so langsam z`bond.

Secht zu dem Bua jetzt ganz besessà,
wend weiter glotscht, no wirscht no gfressa.

Des Buale secht nà, lass mi doch guckà,
zèrscht muàscht den Andrà nonterschluckà!